MKRS dërgon libra në Forcën e Sigurisë së Kosovës

Ministria e Kulturës, Rinisë dhe Sportit ka dërguar një donacion prej 135 tituj librash në Forcën e Sigurisë së Kosovës.

Ky donacion i MKRS-së për FSK-në bëhet në kuadër të projekti të Ministrisë për të furnizuar me libra të rinj  bibliotekat kosovare.

Ky donacion është dorëzuar gjatë ditës së sotme nga vetë ministri i MKRS, Kujtim Gashi gjatë një vizite të bërë në FSK-në, me ç’rast është pritur nga gjenerali i FSK-së, Enver Cikaqi.

Përmes një njoftimi për media, MKRS bënë të ditur se ministri Gashi ka dorëzuar për bibliotekën e FSK një donacion prej 135 tituj librash të blera nga MKRS-ja.

Më këtë rast, ministri Gashi ka thënë se furnizimi i bibliotekës së FSK-së me libra të rinj bëhet në kuadër të iniciativës së Ministrisë për t’i furnizuar bibliotekat e komunave me libra.

“Furnizimi me libra nëpër biblioteka të komunave të Kosovës si dhe jashtë territorit të Kosovës është një program i rëndësishëm i Ministrisë së Kulturës, Rinisë dhe Sporti dhe në kuadër të këtij programi ne po dhurojmë në çdo bibliotekë nga 135 tituj, të cilët janë më të kërkuar nga publiku kohën e fundit”, ka thënë ministri Gashi.

Ndërsa, po sipas komunikatës së MKRS, gjenerali Enver Cikaqi ka veçuar rëndësinë e këtij donacion dhe interesimin e pjesëtarëve të FSK-së për leximin e librave.

“Këta tituj do t’i ndihmojnë shumë pjesëtarët tanë për formësimin dhe avancimin profesional dhe njëkohësisht do ta kemi një bibliotekë më të begatshme”, është shprehur gjeneral Cikaqi.

Do NOT follow this link or you will be banned from the site!