Mjeku: Indi i hequr nga gjoksi i Bidenit ishte kanceroz

Një ind i lëkurës i hequr nga gjoksi i presidentit Joe Biden muajin e kaluar ishte karcinoma e qelizave bazale – një formë e zakonshme e kancerit të lëkurës – tha mjeku i tij të premten, duke shtuar se nuk kërkohej trajtim i mëtejshëm.

Dr. Kevin O’Connor, mjeku i Shtëpisë së Bardhë, i cili ka shërbyer si mjek për një kohë të gjatë i zotit Biden, tha se “i gjithë indi kanceroz u hoq me sukses” gjatë vizitës fizike rutinë të presidentit më 16 shkurt. Joe Biden, 80 vjeç, u konsiderua nga Dr. O’Connor si “i ishëndetshëm, i fuqishëm” dhe “i aftë” për të përballuar përgjegjësitë e tij në Shtëpinë e Bardhë gjatë atij kontrolli fizik, i cili vjen pasi ai është disa javë larg nisjes së një oferte të pritshme për rizgjedhje në vitin 2024.

O’Connor tha se vendi i heqjes së indit në gjoksin e Bidenit është “shëruar mirë” dhe presidenti do të vazhdojë ekzaminimet e rregullta të lëkurës si pjesë e planit të tij rutinë shëndetësor.

Qelizat bazale janë ndër format më të zakonshme dhe lehtësisht të trajtueshme të kancerit – veçanërisht kur kapen herët. Dr. O’Connor tha se ata nuk kanë tendencë të përhapen si kanceret e tjera, por mund të rriten në madhësi, dhe se kjo është arsyeja pse ato hiqen.

Joe Biden kishte hequr “disa kancere të lëkurës të lokalizuara jo melanoma” nga trupi i tij përpara se të fillonte presidencën, tha Dr. O’Connor në përmbledhjen e tij të shëndetit të presidentit më 16 shkurt, duke vënë në dukje se ishte mirë e vërtetuar se Bideni ka kaluar shumë kohë në dielli gjatë rinisë së tij.

Zonjës së parë Jill Biden në janar iu hoqën dy inde të qelizave bazale nga syri i saj i djathtë dhe gjoksi.

Ajo tha në një intervistë për Associated Press javën e kaluar se tani është “shumë e kujdesshme” për kremrat e diellit, veçanërisht kur është në plazh.

Karcinoma e qelizave bazale është një kancer me rritje të ngadaltë që zakonisht kufizohet në sipërfaqen e lëkurës – mjekët pothuajse gjithmonë mund ta heqin atë me një prerje të cekët – dhe rrallë shkakton komplikime serioze ose bëhet kërcënuese për jetën.

Çifti Biden kanë qenë prej kohësh avokatë të luftës kundër kancerit. Djali i tyre i rritur Beau vdiq në vitin 2015 nga kanceri i trurit./VOA