Mitrovicë, policia hap rast për lokale ku u grumbulluan njerëzit
20.5.2020 - 12:40
Dy raste të reja janë hapur nga policia në Mitrovicë ndaj qytetarëve të cilët kanë vepruar në kundërshtim me dispozitat shëndetësore gjatë epidemisë.
Policia e Kosovës ka njoftuar se dy rastet janë hapur në rrugën “Afrim Hajrizi”, në Mitrovicë.
Sipas njoftimit në rastin e parë, është raportuar se para një lokali të një personi janë grumbulluar disa qytetar në kundërshtim me vendimin e Ministrisë së Shdnetësisë.
Ndërsa rasti i dytë është hapur në po të njëjtën rrugë, ndaj një qytetari i cili kishte shërbyer në lokalin e tij.
Me vendim të prokurorit, i dyshuari pas intervistimit është liruar në procedurë të rregullt.