Mitrovicë, Inspektoriati rrënon një objekt që paraqiste rrezik për qytetarët
13.9.2020 - 16:00
Inspektorët komunalë të Mitrovicës kanë filluar sot rrënimin e aneksit të Komunës prapa objektit banesor, në sheshin ‘Mehë Uka’, që dikur shërbente si ngrohtore për shtëpinë e mallrave.
Për mbikëqyrjen e punëve për rrënimin e objektit ka qenë i pranishëm edhe kryetari i Komunës, Agim Bahtiri dhe drejtori i Inspekcionit, Fidan Ademi,
“Ky rrënim është kryer pas konstatimit të rrezikshmërisë nga ana e Inspekcionit, ku në bazë të Vendimit për ekzekutimin e aktit administrativ thuhet se ky objekt është ndërtuar qysh para 50 vjetësh, mund të shembej vet, dhe paraqiste rrezik për banorët, sidomos për fëmijët e lagjes”, thuhet në njoftim.
Sipas këtij njoftimit, pjesa ku ishte objekti i rrënuar do të shndërrohet në hapësirë të gjelbëruar.