Mitrovicë e Veriut - Policia konfiskon uniforma ushtarake, shok bombë e sprej kundër qenve

Në një banesë në Mitrovicë të Veriut, Policia e Kosovës dje ka gjetur dhe konfiskuar disa uniforma ushtarake (një këmishë policore, tre palë pantallona ngjyrë të gjelbër ushtarake, pesë këmisha ushtarake), një shok bombë, një palë pranga të plastikës dhe dy çanta të vogla dore.

Në të njëjtën ditë dhe qytet policia ka gjetur dhe konfiskuar brenda një veture një Pfeffer Spray (Sprej kundër qenve).

Të dyja rastet janë cilësuar si armëmbajtje pa leje.

Për rastin e dytë është intervistuar një i dyshuar dhe është liruar në procedurë të rregullt.

Ndërsa, për rastin e parë, policia thotë nuk ka të dyshuar dhe se rasti po hetohet.