Mitrovicë e Veriut, përjashtohet komisionerja e VV-së pasi promovoi fletëvotimin në rrjete sociale
29.11.2020 - 17:34
Një komisionere e Lëvizjes Vetëvendosje në Qendrën e Votimit ‘Sveti Sava’ në Mitrovicën e Veriut është larguar nga vendvotimi, pasi ka promovuar në rrjetet sociale fletëvotimin ku shihet vetëm kandidati i Lëvizjes Vetëvendosje.
Ngjarja ka ndodhur rreth orës 14:00.
Këtë rast e ka lajmëruar menaxheri i Qendrës së Votimit dhe kryesuesi i KKZ-së, Slobodan Dimitrijevic. Sipas tij, në bashkëpunim me Lëvizjen Vetëvendosje, komisonerja është larguar nga vendvotimi dhe është zëvendësuar me një tjetër.
Në komunën e Mitrovicës së Veriut numri i qytetarëve me të drejtë vote është 23 mijë e 313 të cilët janë të shpërndarë në 7 qendra të votimit me gjithsej 27 vendvotime.