Mitrovicë e Veriut - Arrestohen dy persona, u kapën duke vjedhur pyllin
Dy persona jane arrestuar nga Policia e Kosovës pasi dyshohen për vjedhje të pyllit në Mitrovicë të Veriut.
Sipas Policisë, në stacionin policor në Leposaviq, dje më 07.11.2024 është raportuar një rast i vjedhjes së pyllit.
Policia thotë se njësitet policore pasi kanë dalur në vendin e ngjarjes, kanë takuar dy persona të dyshuar të cilët kishin prerë një sasi të konsiderueshme drunore dhe i kishin ngarkuar në automjetet për bartje, në kamion dhe në një traktor.
Tutjë Policia njofton se në cilësinë e provave materiale janë sekuestruar automjetet për bartje së bashku me sasinë drunore, dy sharra për prerje të drunjëve dhe dy radiolidhje.
“Të dyshuarit e arrestuar pas intervistimit dhe procedurave të tjera policore, me urdhër te prokurorit u është caktuar masa e ndalimit policor pre 48 orësh ndërsa ndaj tyre është inicuar rasti për kryerjen e veprës penale ,,Vjedhje e pyllit”- thuhet në raportin e Policisë, të lëshuar të premten, më 08.11.2024.
