Mitrovicasi u jep 400 maska personave që po prisnin të merrnin asistencën sociale
24.3.2020 - 23:39
Në Mitrovicë, para Postës së qytetit, është parë një qytetar duke u shpërndarë maska personave që ishin duke pritur në radhë për të marrë asistencën sociale.
KALLXO.com ka zbuluar se qytetari që i dha 400 maska falas është Blerim Fetahu.
I kontaktuar nga KALLXO.com, Fetahu tha se bëhet fjalë për maska të qepura në punëtorinë e tij “Picasso Design”.
Ai premtoi se nesër do të dorëzojë edhe 300 maska në Departamentin e Shëndetësisë.