Kuvendi i Kosovës/ Foto: KALLXO.com

Miratohet buxheti i Kosovës për vitin 2023

Kuvendi i Kosovës ka miratuar në lexim të dytë buxhetin 2023 në vlerë prej 3.21 miliardë euro.

Ligji mbi ndarjet buxhetore ka kaluar në lexim të dytë me mbështetjen e 65 deputetëve.

Në votimin e këtij Ligji kanë marrë pjesë 65 deputetë.

Më 17 nëntor, deputetët e Kuvendit e kishin miratuar në parim buxhetin për vitin 2023.

Buxheti për vitin 2023 do të jetë 3 miliardë e 212 milionë euro.

Projekt-buxhetin për vitin 2023 e pati prezantuar para deputetëve kryeministri i Kosovës, Albin Kurti.

Kurti ka thënë se buxheti për vitin 2023 do të jetë 3 miliardë e 212 milionë euro, prej tyre janë ndarë 745 milionë euro në kategorinë “Paga dhe Mëditje”, 493 milionë euro në kategorinë “Mallra dhe Shërbime”, 1 miliard e 98 milionë euro në “Subvencione dhe Transfere” dhe 811 milionë euro në “Shpenzime Kapitale”.

Kurti ka thënë se 296 milionë eurot e ndara për sektorin e shëndetësisë është shuma më e madhe që është ndarë ndonjëherë për këtë sektor që prej shpalljes së pavarësisë.

Kuvendi miraton në parim buxhetin 3 miliardë e 212 milionë euro për vitin 2023