Ministri Selimi: I papranueshëm ekstradimi i Ljubisa Manitaseviç në Serbi
Ministri i Drejtësisë Selim Selimi e ka quajtur të papranueshëm ekstradimin e Ljubisa Manitaseviç nga Hungaria në Serbi.
Ministri Selimi ka dekalruar se Manitaseviç duhet të gjykohet në Kosovë.
“Është e papranueshme që Serbia përmes kërkesës për ekstradim vazhdon procedurën e saj, duke penguar Kosovën të ekstradojnë kriminelët. Ljubisa Manitaseviç duhet të gjykohet në Kosovë dhe jo në Serbi. Ne nuk do të ndalemi së kërkuari drejtësi për viktimat që meritojnë atë”, ka shkruar Selimi në Twitter.
It is unacceptable that #Serbia through a compet. extrad. requests continues its proced. obstacles preventing ?? to extradite criminals. Ljubisa Manitasevic should be tried in ?? and not in ??. We will not stop seeking justice for victims that deserve closure.
— Selim Selimi (@selim_selimi) June 20, 2020
Ljubisa Manitaseviç do të ekstradohet nga Hungaria në Serbi, por jo për shkak të krimeve të luftës të kryera në Kosovë, por për shkak të dyshimeve se i njëjti kishte marrë pjesë në një tentim vrasje në vitin 1999 në rajonin e Prizrenit.
Mediat në Beograd kanë raportuar se Manitaseviç pritej të ekstradohej për shkak se i njëjti ishte përgjegjës për vrasje dhe plagosje të paligjshme gjatë luftës në vitin 1999 në Kosovë.
Burime të KALLXO.com tregojnë që i njëjti dyshohet për tentim vrasje në Prizren në vitin 1999.