Ministri Reçica dhe Banka Botërore diskutojnë për mbështetjen e familjeve të varfra në Kosovë

Ministri i Punës dhe Mirëqenies Sociale, Skender Reçica sot ka zhvilluar një takim virtual me drejtorin e Bankës Botërore për Kosovën, Massimiliano Paolucci dhe pjesën tjetër të ekipit të BB-së, ku kanë diskutuar për reformën pensionale dhe vazhdimin e Reformës së Asistencës Sociale.

Sipas një komunikate për media të MPMS-së, Reçica bashkë me ekipin e Bankës Botërore kanë diskutuar edhe për procesin e fillimit të implementimit të projektit të BB-së, në vlerë prej 10 milionë euro, që për synim ka mbështetjen e familjeve të varfëra  në Kosovë.

Më tej thuhet se, ministri Skender Reçica e ka falënderuar drejtorin e BB-së për Kosovë, për mbështetjen e madhe që ndër vite Banka Botërore i ka dhënë shtetit tonë dhe tani që po vazhdon të jep kontributin e saj, si në funksion të rimëkëmbjes ekonomike pas përhapjes së pandemisë, po ashtu edhe në mbështetje të procesit të reformave që ka ndërmarrë, si ministër i Punës dhe Mirëqenies Sociale