Ministri Mustafa: Qeveria qëndron prapa vendimit të për t'i subvencionuar stoqet e produkteve të qumështit

Ministri i Bujqësisë, Pylltarisë dhe Zhvillimit Rural, Besian Mustafa ka njoftuar se qeveria qëndron prapa vendimit të për t’i subvencionuar stoqet e produkteve të qumështit që janë me prejardhje të yndyrës shtazore në masë prej 25% të vlerës.

Këtë njoftim Mustafa e ka bërë gjatë takimit informues me përfaqësues të Shoqatës të Industrisë së Qumështit të Kosovës, të përfaqësuar nga kryetari Gani Durmishaj dhe anëtari i Kryesisë Lulëzim Aliu.

“Duke pas parasysh se vendimet për themelimin e komisionit për verifikimin e stoqeve janë marrë në Ministrinë e Tregtisë dhe Industrisë, ne si MBPZhR do të angazhohemi maksimalisht në avokimin e kërkesave të sektorit të qumështit, brenda mundësive ligjore dhe financiare”, tha ministri Mustafa.

Mustafa tha se pagesa e subvencioneve sivjet do të realizohet dy herë, për të përballuar sa më lehtë mungesën e shitjes së produkteve bujqësore sivjet, si rezultat i pandemisë Covid-19.