
Ministri i Mbrojtjes, Ejup Maqedonci dhe komandanti i FSK-së, Bashkim Jashari. Foto: Ejup Maqedonci/Facebook
Ministri i Mbrojtjes dhe Komandanti i FSK-së udhëtojnë për në SHBA
13.1.2025 - 10:58
Ministri i Mbrojtjes, Ejup Maqedonci dhe Komandanti i Forcës së Sigurisë së Kosovës, Bashkim Jashari po qëndrojnë në vizitë zyrtare në SHBA.
Ministria e Mbrojtjes bën të ditur se gjatë kësaj vizite Maqedonci do të zhvillojë takime të nivelit të lartë në Departamentin e Mbrojtjes, në Departamentin e Shtetit dhe në Senatin e SHBA-së.
“Këto takime po zhvillohen në kuadër të fuqizimit të marrëdhënieve mes Republikës së Kosovës dhe SHBA-së, në fushën e Mbrojtjes dhe të Sigurisë.” – thuhet në njoftimin e Ministrisë së Mbrojtjes, më 13.01.2025.