Ministri i Bujqësisë pas takimit në Leposaviq, viziton edhe kryetarin e Mitrovicës së Veriut

Më shumë se një javë pasi dha betimin për kryetar të Komunës së Mitrovicës së Veriut, Erden Atiq sot në zyrën e tij priti ministrin e Bujqësisë, Faton Peci.

Ky i fundit, gjatë ditës vizitoi edhe kolegun e Atiqit, kryetarin e Leposaviqit, Lulzim Hetemin.

Peci tha se gjatë vizitës që pati në mëngjes tek Atiq i ofroi mbështetje të plotë për sfidat që e presin.

Në këtë takim ai ishte bashkë me zëvendësministrin e Punëve të Brendshme, Blerim Gashanin.

Ndër të tjera, ministri i Bujqësisë tha se e gëzon fakti që për një periudhë të shkurtër, Atiq ka konsoliduar ekipin në përbërje shumetnike.

Sipas Pecit këto emërime janë refleksion i vullnetit politik dhe gjenerozitet të shoqërisë kosovare për të krijuar mundësi për të gjitha komunitetet.

Ministri i Bujqësisë i shkon në zyrë kryetarit të Leposaviqit