Ilustrim
Ministri Abdixhiku: Do të hynë në karantinë për 14 ditë të gjithë qytetarët që vijnë nga jashtë
17.3.2020 - 22:32
Ministri i Infrastrukturës dhe Ambientit, Lumir Abdixhiku, ka thënë se qytetarët që vijnë në Kosovë nga jashtë do të vendosen në karantinë për 14 ditë.
“Ky është propozimi i ministrit të Shëndetësisë dhe do të votohet shumë shpejt në Qeveri”, ka thënë ministri Abdixhiku në televizionin T7.
Qeveria e Kosovës ka marrë një varg masash për të parandaluar përhapjen e coronavirusit.
Deri më sot janë regjistruar 19 raste me coronavirus në Kosovë.