Ministrat e LDK-së nuk marrin pjesë në mbledhjen e Qeverisë Kurti
03.6.2020 - 10:54
Kabineti qeveritar sot ka zhvilluar mbledhje por aty nuk ishin të pranishëm ministrat e Lidhjes Demokratike të Kosovës të cilët janë pjesë e Qeverisë Kurti.
Minstrat e LDK-së nuk kishin marrë pjesë as gjatë mbledhjës së kaluar të Qeverisë së Kosovës.
Gjatë kësaj mbledhje u morrën vendime si shkarkimi i Bordit të Kompanisë Rajonale “Mitrovica”, për mënyrën e funksionimit të Ndërmarrjeve Publike si dhe u ndanë mjete për familjet e minatorëve që dje humbën jetën në Minierën e Novobërdës.
Sot në ora 11: 00 pritet të mbahet seanca e jashtëzakonshme e Kuvendit, me të vetmen pikë të rendit të ditës, zgjedhja e Qeverisë së Republikës së Kosovës të koalicionit të ri LDK-AAK-NISMA-Lista Serbe.