Minatorët e Trepçës hyjnë në grevë, shkaku i pagave që nuk i kanë marrë
Minatorët e Ndërmarrjes Publike “Trepça” në Stan Tërg kanë hy në grevë të përgjithshme që nga ndërrimi i dytë i së martes.
KALLXO.com mëson se bllokimi i punës nga minatorët është për vonesat e pagave ndërsa, për grevën është njoftuar edhe Qeveria e Kosovës.
Lajmin për KALLXO.com e ka konfirmuar edhe u.d. kryeshefi ekzekutiv, Hysen Vrajolli.
“Po, është e vërtetë. Unë për momentin jam në Stan Tërg. Për shkak të pagave, minatorët janë në grevë. Nga dje, nga ndërrimi i dytë. E kemi lajmëruar edhe Qeverinë”, tha ai.
“Dje nuk ka punuar ndërrimi i dytë, as sot i treti, po flasim për një grevë të përgjithshme”, deklaroi Vrajolli.
Ditë më parë, Ndërmarrjes publike ‘Trepça’ i janë bllokuar llogaritë nga përmbaruesit për shkak të borxheve të kësaj ndërmarrjeje ndaj operatorëve ekonomikë.
Trepçës i bllokohen llogaritë, shkak borxhet
www.kallxo.com