Mimoza Kusari flet pas takimit me punëtorët e Ferronikelit

Punëtorët e kompanisë “NeWCo Ferronikeli” kanë protestuar para objektit të Qeverisë me arsyen se që 5 muaj është ndërprerë prodhimi, si pasojë e krizës së zgjatur ekonomike.

Gjatë protestës punëtorët që po protestonin janë ftuar në takim nga grupi parlamentar i Lëvizjes Vetëvendosje.

Pas këtij takimi, kryetarja e grupit parlamentar të VV-së Mimoza Kusari- Lila ka thënë se së shpejti do të përgjigjen në kërkesat e punëtorëve.

“Sot pritem në takim disa përfaqësues të punëtorëve, ky është takimi i dytë, kriza energjetike ka pasur ndikim në ndërmarrje, sot zyrtarisht kam pranuar nga menaxhmenti, ne si grup parlamentar bashke me qeverinë do të angazhohemi për një modalitet, pushtimi i Ukrainës nga Rusia do të ndikojë në sektorin e energjisë”, ka thënë Kusari- Lila.

Nënkryetari i sindikatës së punëtorëve të Ferronikelit ka thënë se shpreson që grupi parlamentar ta marrë me seriozitet problemin e punëtorëve të Ferronikelit.

“Po shpresojmë që grupi parlamentar i VV se dhe qeveria të realizojë kërkesat tona – nënkrytari  pas takimit”, ka thënë Abedin Haxhiu.

Punëtorët e Ferronikeli ftohen në takim nga grupi parlamentar i Vetëvendosjes

VIDEO – Protestojnë punëtorët e Ferronikelit, kërkojnë zgjidhje nga deputetët