Presidenti i Francës, Emmanuel Macron dhe kancelarja e Gjermanisë, Angela Merkel.
Merkel: Brexit një plagë e thellë për të gjithë ne
01.2.2020 - 10:23
Kancelarja gjermane Angela Merkel shprehu dëshirën e saj për një lidhje ende të ngushtë me Britaninë e Madhe.
“Kjo është një plagë e thellë për të gjithë ne”, deklaroi ajo, por shtoi se “Gjermania dëshiron të mbetet partnere e ngushtë dhe mike e Britanisë së Madhe sepse i bashkojnë vlerat e përbashkëta”.
Ajo theksoi se pas largimit së Britanisë së Madhe, gjërat në Evropë do të vazhdojnë të ecin përpara.
Merkel shtoi se periudha e tranzicionit që do të pasojë Brexit-in do të përfshijë negociata intensive midis Londrës dhe Brukselit. Pas 47 vjetëve, Britania e Madhe mbrëmë në mesnatë zyrtarisht u shkëput nga Bashkimi Evropian./rtv21