Mërgimtari arrestohet në Serbi, reagon Pacolli

Kryediplomati kosovar, Behgjet Pacolli, ka kërkuar lirimin e menjëhershëm të shtetasit kosovar, Nezir Mehmetajt, që u arrestua mbrëmë nga policia serbe.

Pacolli ka thënë se zyra e ndërlidhjes në Beograd është aktive dhe do të marrë të gjitha masat e duhura për të siguruar lirimin e Mehmetajt.

“Serbia nuk mund të pengojë më pafund lëvizjen e lirë të njerëzve dhe menjëherë të ndalojë me përndjekjet politike. Kjo është në kundërshtim me marrëveshjen e Brukselit dhe Brukseli, nga ana tjetër, duhet të marrë masa urgjente për të parandaluar veprimet e Beogradit kundër qytetareve të Kosovës dhe për të siguruar lëvizjen e lirë të qytetarëve”, thuhet në reagimin e Pacollit.