Mehmeti: Zjarri në Kodrën e Cernushës në Mitrovicë nuk paraqet rrezik për banorët

Është përfshirë nga zjarri Kodra e Cërnushës mbi fshatin Kçiq të Mitrovicës së Jugut, sot, më 15.08.2024.

Komandati i zjarrfikësve për rajonin e Mitrovicës së Jugut, Mehmet Mehmeti, ka thënë për KALLXO.com se momentalisht zjarri është i menaxhueshëm dhe nuk ka rrezik për banorët.

“Për momentin zjarri është i menaxhueshëm. Duket se tani nuk ka rrezik për banorët, disa prej të cilëve janë aktivizuar me ekipet tona”- ka thënë Mehmeti.

Tutje ai potencoi se zjarri nuk është edhe i vogël dhe se ekipi është ndarë në dy lokacione.

“Te vatra e zjarrit po bëjnë maksimumin me lokalizu zjarrin i cili nuk është edhe i vogël. Mirëpo ekipi është përqendru në lagjen Brahimi në fshatin Kçiq ndërsa ekipi i dytë lart nē kodër”- u shpreh tutje ai.

https://kallxo.com/lajm/zjarr-ne-kodren-e-cernushes-ne-mitrovicen-e-jugut/