Foto: Behgjet Pacolli/Twitter
Megjithatë, Behgjet Pacolli e falënderon Xhamajkën
Ish-ministri i Punëve të Jashtme i Kosovës, Behgjet Pacolli ka reaguar pas raportimit se shteti i Xhamajkës nuk e ka njohur pavarësinë e Kosovës, duke u demantuar kështu njoftimi i Presidentit Hashim Thaçi.
Pacolli përmes një publikimi në Twitter ka shkruar se Kosova dhe kosovarët do të mbesin përgjithmonë miq të besuar të qeverisë dhe popullit të Xhamajkës, si dhe e ka falënderuar këtë shtet.
“Sidoqoftë, faleminderit Xhamajka, faleminderit ministre Kamina J. Smith, faleminderit SHBA, Eliot Engel. Kosova dhe kosovarët do të mbesin përgjithmonë miq të besuar të qeverisë dhe popullit të Xhamajkës”, ka shkruar Pacolli.
Thank you Jamaica in any case, thank you Minister @kaminajsmith , thank you USA,@RepEliotEngel
Kosovo and Kosovars will remain forever trusted friends of the government and people of Jamaica pic.twitter.com/GEJdc2hFUi— Behgjet Pacolli (@pacollibehgjet) February 21, 2020
Mediat vendore, duke iu referuar një publikimi në Twitter kane raportuar se Kamina J. Smith, ministrja e Jashtme e Xhamajkës, ka reaguar mëngjesin e sotëm duke thënë se vendi i saj nuk e ka njohur Kosovën.
“Deri më sot, Xhamajka nuk e ka njohur Kosovën si shtet të pavarur”, thuhet në atë publikim.
Great news! I just got notified from our Ambassador @vloracitaku that #Jamaica has recognized Republic of #Kosovo as sovereign and independent. I know this is a result of hard work & lobbying of several years, incl @RepEliotEngel. Good work. Thank you dear friends from Kingston! pic.twitter.com/17KPSXdrvL
— Hashim Thaçi (@HashimThaciRKS) February 20, 2020
Njohja ishte përshëndetur nga krerët institucionalë të Kosovës.
Edhe kryeministri i vendit, Albin Kurti si dhe ministri i Jashtëm Glauk Konjufca i është gëzuar lajmit për njohje.