Ilustrim

Me sëpatë e pistoletë kryejnë grabitje brenda marketit

Një grabitje është raportuar se ka ndodhur pasditen e djeshme në magjistralen Ferizaj- Prishtinë.

Për këtë rast, një grua ka raportuar se tre të dyshuar, njëri me pistoletë dhe njëri me sëpatë janë futur në market dhe nën kërcënimin e armëve, kanë marrë arkën.

Sipas ankueses, në arkë kanë qenë 500 euro, dhe përveç parave të dyshuarit kanë vjedhur edhe një sasi të cigareve, vlera e të cilave nuk dihet.

Njësitë relevante policore kanë dal në vendin e ngjarjes, dhe në lidhje me rastin është njoftuar edhe prokurori i shtetit.

Rasti vazhdon të hetohet nga ana e policisë.