Policia/Ilustrim
Me maskë për COVID-19 kryen grabitje në institucion mikrofinanciar
13.4.2021 - 11:27
Policia e Kosovës ka njoftuar për një rast të grabitjes që ka ndodhur gjatë ditës së djeshme në Prishtinë.
Sipas njoftimit, dje rreth orës 12:30, një grua ka raportuar në polici se derisa ishte në vendin e saj të punës, në një institucion mikrofinanciar, aty kishte shkuar një person me maskë kundër COVID-19 në fytyrë, pa e ekspozuar ndonjë armë dhe i ka marrë para.
Viktima e këtij rasti nga frika, të dyshuarit i kishte dhënë paratë dhe më pas i dyshuari ishte larguar në këmbë nga vendi i ngjarjes.
Njësitet policore kanë dal në vendin e ngjarjes, ndërsa lidhur me rastin është njoftuar prokurori.
Nuk raportohet për ndonjë person të arrestuar në lidhje me këtë rast.