Mbytet një 32 vjeçar në plazhin e Spillesë
17.8.2019 - 17:30
Një ngjarje e rëndë është regjistruar mesditën e kësaj të shtune në plazhin e Spillesë në Shqipëri, raporton VizionPlus.
Policia bëri të ditur se rreth orës 12:00, në plazhin e Spillesë është nxjerrë nga uji në gjendje të rëndë nga disa pushues të tjerë, shtetasi me inicialet J. Xh,32 vjeç banues në fshatin Luz i Madh, bashkia Rrogozhinë.
32 vjeçarit i është dhënë ndihma e parë dhe është transportuar menjëherë në spital me autoambulancë, por gjatë rrugës ka ndërruar jetë.
Grupi hetimor po vijon punën për sqarimin e mëtejshëm të rrethanave të ngjarjes.