Mbytet në pishinë një fëmijë në Likoshan të Drenasit
04.7.2022 - 23:00
Një fëmijë i moshës rreth 1-vjeçare është mbytur në një pishinë në fshatin Likoshan të Drenasit.
Rastin për KALLXO.com e ka konfirmuar Ismet Bogiqi, drejtor i Qendrës Kryesore të Mjekësisë Familjare në Drenas.
“Po, ka ndodhur rasti. Rasti tani është në Mjekësi Ligjore. Nuk e dimë si ka ndodhur ngjarja. Ekipi mjekësor ka shkuar, por viktima ka qenë pa shenja jete”, ka thënë dr. Bogiqi.
KALLXO.com ka kontaktuar edhe Policinë e Kosovës dhe është në pritje të një përgjigje.
Ngjarja e rëndë ka ndodhur sonte rreth orës 18:00.