Mbyllet Ura në Krime, pas raportimeve për shpërthime

Në qytetin e Kërçit në Krime, mëngjesin e 06.12.2024 janë dëgjuar shpërthime – dhe, Ura që lidh gadishullin e pushtuar nga Moska me Rusinë është mbyllur për qarkullim – raportuan kanalet lokale në Telegram.

Sipas kanalit, Krymskiy Veter, shpërthime janë dëgjuar në zonën e kantierit detar, Zaliv.

Shpërthimet e para u raportuan në orën 07:00, sipas kohës lokale – thanë dëshmitarët për Radio Evropa e Lirë.

Ministria ruse e Mbrojtjës tha se rajoni i Kërçit është cak i sulmeve ajrore dhe me dronë që po kryhen nga Ukraina.

Kjo Ministri tha se forcat ruse kanë rrëzuar një dron e kanë fundosur dy dronë detarë. Ukraina nuk ka komentuar për këto pretendime ruse.

Sulmet në Krime ndodhin vazhdimisht, veçmas pranë Urës.

Një shpërthim i fuqishëm në tetor të vitit 2022 që goditi Urën, shkaktoi kolapsimin e një segmenti të rrugës dhe shkaktoi zjarr në një segment të Urës.

Sipas të dhënave ruse, tre persona vdiqën gjatë atij incidenti.

Rusia ka aneksuar paligjshëm Gadishullin ukrainas të Krimesë më 2014 dhe në shkurt të vitit 2022 nisi pushtimin në shkallë të plotë të Ukrainës./REL