Foto: Getty Images

Mbi 40 deve skualifikohen nga konkursi i bukurisë në Arabinë Saudite për shkak të botoksit

Autoritetet saudite kanë kryer goditjen e tyre më të madhe ndonjëherë ndaj konkurrentëve të bukurisë së deveve që morën injeksione botoks dhe prekje të tjera artificiale, njoftoi të mërkurën Agjencia shtetërore Saudite e Shtypit, me mbi 40 deve të skualifikuara nga konkursi vjetor.

Festivali i popullarizuar i deveve të mbretit Abdulaziz të Arabisë Saudite, i cili filloi në fillim të këtij muaji, fton mbarështuesit e deveve më të bukura të konkurrojnë për rreth 66 milionë dollarë, raporton Assosiated Press.

Ndalohen rreptësisht injeksionet e botoksit dhe ndryshime të tjera kozmetike për t’i bërë devetë më tërheqëse. Juritë vendosin fituesin në bazë të formës së kokës, qafës, gungave, veshjes dhe qëndrimit të devesë.

Gjyqtarët në festivalin njëmujor në shkretëtirën verilindore të kryeqytetit saudit, Riad, po përshkallëzojnë masat e tyre kundër deveve të ndryshuara artificialisht, njoftoi agjencia zyrtare e lajmeve, duke përdorur teknologji “të specializuar dhe të avancuar” për të zbuluar ngatërresat.

Këtë vit, autoritetet zbuluan se dhjetëra mbarështues kishin fryrë buzët dhe hundët e deveve, kishin përdorur hormone për të forcuar muskujt e kafshëve, në kokën dhe buzët e deveve kishin injektuar botox për t’i bërë ato më të mëdha, duke i fryrë pjesët e trupit me shirita gome dhe kishin përdorur mbushës për të qetësuar fytyrat e tyre.

Mbarështimi i deveve është një industri shumëmilionëshe dhe ngjarje të ngjashme zhvillohen në të gjithë rajonin.