Mbi 200 qytetarë kërkuan ndihmë mjekësore në emergjencën e QKUK-së në 24 orët e fundit

219 qytetarë kanë kërkuar ndihmë mjekësore në Klinikën Emergjente të Qendrës Klinike Universitare të Kosovës(QKUK), në 24 orët e fundit.

ShSKUK ka njoftuar se dhomën e Reanimimit (dhoma e Kujdesit të Avancuar Emergjent) janë trajtuar 70 pacientë.

Në dhomën e Shërbimit Kirurgjik 38 pacientë dhe në dhomën e Shërbimit Internistik 59 pacientë.

Në njoftim thuhet se, si pasojë e lëndimeve të marra në aksidente komunikacioni, janë trajtuar 15 persona.

Po ashtu gjatë 24 orëve të fundit janë kryer 40 vizita ortopedike, njofton ShSKUK-ja.