Ilustrim
Mbështetja me 100 euro, ekzekutohen pagesat për mbi 50 mijë studentë
30.11.2022 - 16:00
Ministri i Financave, Hekuran Murati, ka bërë të ditur se sot janë ekzekutuar pagesat prej 100 euro, si mbështetje nga Qeveria e Kosovës për studentët.
Sipas Muratit, numri i studentëve që kanë përfituar nga kjo ndihmë e Qeverisë është 50 mijë e 778 studentë.
“Mbështetja për studentët nuk mbaron me kaq. Studimet i kemi bërë falas, kurse sivjet kemi rritur edhe numrin e bursave në 2 mijë për ata që studiojnë në STEM, nga 1,000 sa ishte vitin e kaluar” – ka shkruar Murati në Facebook.
Kjo mbështetje për studentët ka ardhur në kuadër të Pakos për Përballjen me Inflacionin dhe për këtë qëllim dje Qeveria e Kosovës ka ndarë 7 milionë euro.