Foto: Urim Krasniqi/KALLXO.com
MASHTI: Mbi 94% e mësimdhënësve janë të vaksinuar
Zëvëndësministri i Arsimit, Dukagjin Pupovci, ka treguar për numrin e mësimdhënësve të vaksinuar me vaksinën anti-Covid.
Gjithashtu ka treguar se kur do të fillojë mësimi në formë fizike në të gjitha shkollat pas zgjedhjeve.
“Shkalla e vaksinimit të mësimdhënësve është 94.3%.Më datë 18 tetor në këto shkolla që janë qendër votimi të punohet me skenar C me distancë kurse shkollat tjera vazhdojmë punën e tyre sipas planifikimeve të parapara dhe me datë 19 të gjithë shkollat fillojnë punën normalisht”, ka thënë Pupovci.
Në fund të muajit gusht, SBAShK kishte deklaruar se shumica e mësimdhënësve janë vaksinuar.
Zakonisht, MASHTI-i thirret në atë se nuk ekziston një ligj që i detyron mësimdhënësit që të vaksinohen, ndërsa SBAShK-u thotë se Ministria e Shëndetësisë u ka premtuar se vaksinimi i mësimdhënësve është prioritet.
Pak javë nga viti i ri shkollor, MASHTI s`ka të dhëna sa mësimdhënës janë vaksinuar