MAShTI hap thirrjen për nominimin të kanidatëve për anëtarëve të KShC-së
Ministrja e Arsimit, Shkencës, Teknogjisë dhe Inovacionit, Arbërie Nagavci ka njoftuar se është hapur thirrja për nominimin e kandidatëve për anëtarë të Këshillit Shtetëror të Cilësisë.
“Të drejtën për të nominuar apo vetnominuar për anëtarë të KSHC-së, e kanë të gjithë personat juridikë të regjistruar në Kosovë dhe personat fizik, shtetas të Republikës së Kosovës”-ka thënë Nagavci.
Postimi i plotë:
Kemi hapur thirrjen publike për nominim të anëtarëve të Këshillit Shtetëror të Cilësisë në Agjencinë e Kosovës për Akreditim.
Të drejtën për të nominuar apo vetnominuar për anëtarë të KSHC-së, e kanë të gjithë personat juridikë të regjistruar në Kosovë dhe personat fizik, shtetas të Republikës së Kosovës.
Të nominuarit duhet t’i plotësojnë këto kushte:
-Të jenë shtetas të Republikës së Kosovës;
-Të kenë gradën e doktorit të shkencave me përvojë relevante akademike ose (10) vite përvojë në fushën e sigurimit të cilësisë në arsimin e lartë;
-Në rast se studimet i kanë kryer jashtë vendit, duhet të kenë vendimin për njohje ose dëshminë e aplikimit për njohje të diplomës nga Ministria e Arsimit e Republikës së Kosovës;
-Të kenë njohuri të gjuhës angleze.
Sipas kësaj thirrje, kërkohen nominime për 4 fusha të caktuara me Udhëzimin Administrativ nr.06/2018, datë. 07.05.2018 si vijon:
-Artet dhe drejtësia;
-Shkencat e natyrës, matematika, kompjuterika&Inxhinieria, prodhimtaria dhe ndërtimi;
-Shëndeti dhe mirëqenia, bujqësia dhe veterina.
Afati për nominime do të jetë deri më 17.02.2023.