Masat e reja kundër COVID-19, Arben Vitia mbledh kryetarët e komunave
04.4.2021 - 10:39
Ministri i Shëndetësisë, Arben Vitia, ka thirrur një mbledhje virtuale prej orës 10:00 sot me kryetarët e komunave.
Siç mëson KALLXO.com, në këtë mbledhje do të diskutohet për masat e reja kundër COVID-19.
Dje KALLXO.com raportoi se nga data 6 prill e deri me datën 18 prill pritet që të ketë mbyllje totale të gastronomisë dhe qendrave tregtare.
Kjo mbyllje vjen pas rritjes së rasteve me COVID-19 në Kosovë.
Sipas institucioneve shëndetësore në Kosovë është rritur numri i të hospitalizuarve ku 80% e tyre janë në oksigjenoterapi.
Edhe numri i vdekjeve është rritur ditëve të fundit.