Malishevë, një person i vdekur, dyshohet se është vetëvrarë
Stacioni i Policisë në Malishevë sot rreth orës 10:00 është njoftuar nga Qendra Kryesore e Mjekësisë Familjare në Malishevë se nga familjarët është sjellë një person pa shenja jete.
Rastin e ka konfirmuar zëdhënësi i Policisë së Rajonit të Gjakovës, Nysret Xhurkaj.
Viktima është nga fshati Shkozë.
Me të marrë informacionin, Policia ka shkuar në QKMF ku ka takuar mjekun kujdestar dhe familjarët e viktimës.
“Sipas mjekut viktima është sjellë nga familjarët në emergjence pa shenja jete dhe nga mjeku kujdestar është konstatuar vdekja e viktimës”, tha Xhurkaj për KALLXO.com.
Lidhur me rastin janë informuar te gjitha njësitë përkatëse policore, të cilat kanë dalë në vendin e ngjarjes.
Në vendin e ngjarjes Policia ka gjetur armën me të cilën dyshohet se viktima ka kryer vetëvrasje.
Për rastin ne fjalë është njoftuar Prokurori i Shtetit dhe me urdhër te tij trupi pajetë i viktimës merret nga IML – Prishtinë për obduksion.