LVV: Delegacioni kosovar shkoi për njohje, u kthye me dëm, turp e rrezik
Lëvizja Vetëvendosje (LVV) ka kritikuar vendimet e qeverisë Hoti në marrëveshjen e arritur të premten në Shtëpinë e Bardhë.
“Kryeministri i paligjshëm e jolegjitim tha se po shkonte në Uashington për njohje reciproke, por u kthye me shumë dëme për Republikën e pa njohjen e saj. Pra, shkuan për njohjen, ndërkaq u pajtuan që të mos angazhohen për e anëtarësim në organizata ndërkombëtare për një vit”, thuhet në postimin e LVV-së në facebook.
Sipas tyre, qëllimi i marrëveshjes ka qenë njohja reciproke, ndërsa pala kosovare nuk e ka marrë atë, por ka negociuar gjëra të tjera.
“Shkuan për njohje, ndërkaq u pajtuan për ndarjen e Liqenit të Ujmanit. Shkuan për njohje, ndërkaq u pajtuan për realizimin e idesë dhe qëllimeve të Serbisë për mini-schengen. Shkuan për njohje, ndërkaq u pajtuan t’i mundësojnë Serbisë qasje në detin Adriatik. Shkuan për njohje, ndërkaq me kërkesë të Serbisë e larguan emërtimin “Republikë””, thuhet tutje aty.
Sipas LVV-së, liderët kosovarë me marrëveshjen e së premtes kanë sjellë ‘dëm, turp e rrezik’