Lutfi Haziri suspendon zyrtarin që u arrestua nën dyshimin për falsifikim dokumentesh
Kryetari i Komunës së Gjilanit, Lutfi Haziri, ka suspenduar nga puna zyrtarin e tatimit në pronë (B.K.), i cili është arrestuar sot nga Policia e Kosovës nën dyshimin për falsifikim të dokumenteve/vërtetimeve të tatimit në pronë.
Vendimin për suspendim Haziri e ka marrë në përputhje me kompetencat që burojnë nga Ligji për Vetëqeverisje Lokale, ndërkaq ka shprehur qëndrimin për zero tolerancë ndaj korrupsionit, njofton Komuna përmes një komunikate.
“Komuna e Gjilanit nuk e paragjykon rastin dhe deri në shpalljen e verdiktit përfundimar nga Gjykata kompetente, zyrtari në fjalë konsiderohet i pafajshëm”, thuhet në njoftim.
Policia e Kosovës njoftoi sot për arrestimin e një zyrtari të Komunës së Gjilanit.
Arrestohet zyrtari i Komunës së Gjilanit për falsifikim të dokumenteve
www.kallxo.com