LIVE nga vendi ku shpërtheu bombola e gazit
29.12.2020 - 15:21
15 të lënduar është bilanci nga një shpërthim i një bombole të gazit e cila shpërtheu sot në mesditë brenda objekteve të një biznesit në magjistralen Prishtinë Ferizaj.
Mjeku nga Emergjenca, Ejup Govori ka treguar se 12 persona kanë arritur në QKUK, si pasojë e lëndimeve të marra nga shpërthimi i një bombole gazi në rrugën Prishtinë-Ferizaj.
Govori tha se 7 prej tyre janë me djegie të shkallës së lartë, (2 dhe 3 të shkallës së djegies).
Siç shpjegon ai për rtv21.tv djegie kanë marrë edhe në fytyrë dhe duar. Të lënduarit janë pranuar në Klinikën e Kirurgjisë Plastike.
Ndërsa, 5 të tjerët sipas mjekut Ejup Govorit kanë pësuar lëndime trupore, por jo djegie. Lëndimet i kanë marrë në kokë, shpinë dhe gishta.