Ilustrimi: Kallxo.com
Lista Serbe i ka paguar borxhet në PZAP; partitë shqiptare jo
Paneli Zgjedhor për Ankesa dhe Parashtresa ua ka tërhequr vërejtjen partive politike të cilat kanë borxhe ndaj PZAP-së.
13 parti politike i kanë borxh PZAP-së afër 90 mijë euro.
Nëse deri më fund të këtij muaji partitë nuk i shlyejnë borxhet, PZAP do t’i gjobisë përsëri.”
“Paneli Zgjedhor për Ankesa dhe Parashtresa – PZAP-i, ka njoftuar/paralajmëruar subjektet politike që brenda 15 ditëve kalendarike duke filluar nga data 17 Janar deri me 31 Janar 2020, të paguajnë gjobat e shqiptuara nga PZAP-i ndaj tyre për Zgjedhjet e Parakohshme për Kuvendin e Kosovës të 06 tetorit 2019, në të kundërtën PZAP-i do të jetë i detyruar që të zbatoj ligjin e aplikueshëm, respektivisht do të shqipton dënime shtesë për secilin vendim veç e veç, si dhe do të zbatoj ligjin e aplikueshëm të procedurës përmbarimore nr. 04/L-139”, thuhet në njoftimin e PZAP-së.
“Neni 120, paragrafi 2. të LZP-së, përcakton se dështimi për të paguar dënimin apo për t’ju bindur një urdhërese të PZAP-it brenda periudhës kohore të saktësuar ne vendimin e PZAP-it është një shkelje tjetër e këtij ligji që mund të sanksionohet me dënim shtesë nga PZAP-i”, thuhet tutje në komunikatën për media.
Borxhet e subjekteve politike sipas PZAP-së janë këto:
- Lidhja Demokratike e Kosovës – LDK = 74,850.00 euro, Nuk ka paguar
- Partia Demokratike e Kosovës – PDK = 100,100.00 euro, Ka paguar 45,000.00 euro, Nuk ka paguar 55,100.00 euro,
- Lëvizja Vetëvendosje = 14,100.00 euro, Nuk ka paguar
- Lista Serbe = 36,500.00 euro, Ka paguar
- Koalicioni AAK-PSD = 89,600.00 euro, Nuk ka paguar
- Koalicioni Nisma- AKR- PD = 33,900.00 euro, Nuk ka paguar
- PREBK = 250.00 euro, Nuk ka paguar
- IRDK Lendrit Qeli = 1,200.00 euro, Ka paguar
- Koalicioni Sloboda = 5,100.00 euro, Nuk ka paguar
- PLE = 1,100.00 euro, Ka paguar
- VAKAT = 1,100.00 euro, Nuk ka paguar
- KDTP = 1,100.00 euro, Nuk ka paguar
- PG = 1,100.00 euro. Ka paguar
Gjithsejtë gjoba: = 360,000.00 euro
Gjoba të paguara: = 84,900.00 euro
Gjoba të papaguara: = 275,100.00 euro