Foto: KALLXO.com. 05.09.2019
Lista e LVV-së, kandidatja nën hetime për keqpërdorim detyre
Lëvizja Vetëvendosje ka bërë dje publike listën e kandidatëve që synojnë të bëhen deputetë.
Vetëvendosje në listën e saj prej 110 kandidatësh ka të përfshirë persona të po hetohen për vepra penale të keqpërdorimit të detyrës zyrtare.
Kandidatja me numër 39 Jetmira Vrenezi është ish- asambleiste e LVV-së në Malishevë, përderisa e njëjta në zgjedhjet e vitit 2017 gjithashtu kishte kandiduar për deputet nga rradhët e LVV-së.
Jetmira Vrenezi aktualisht është e punësuar në Komunën e Prizrenit si koordinatore e sektorit të ndërtimtarisë, pranë Drejtorisë së Inspektorateve e udhëhequr nga Islam Thaçi.
Ndaj saj Prokuroria e Prizrenit ka filluar hetimet nën dyshimet për veprën penale të keqpërdorimit të pozitës dhe autoritetit zyrtar.
E njëjta po hetohet për rrënimin e objektit pa leje të “ Abi Çarshisë “, e bashkë me të po hetohen edhe 4 zyrtarë tjerë përfshirë Drejtorin e Inspektoratit, Islam Thaqi.
KALLXO.com ka raportuar lidhur pafuqinë e Komunës së Prizren që të rrënojë objektin pa leje të qendra tregtare “Abi Çarshia”.
Gjatë tentativave për rrënim janë parë ndërhyrje edhe nga organet e rendit në Prizren që i kanë dalë në krah kompanisë në pronësi të njeriut të PDK-së, Irfan Fusha.
Komuna e pafuqishme karshi objektit pa leje te ‘Abi Çarshia’ – VIDEO