Foto: Ilustrim
Lipjan, i dashuri dyshohet se i kërkoi 70 mijë euro ose do t’i publikonte foto intime
04.7.2021 - 09:15
Policia ka raportuar për një rast shantazhi dhe kanosjeje që ka ndodhur mbrëmë rreth orës 20:30 në Lipjan.
Sipas Policisë, viktima ka raportuar se i dyshuari, i dashuri i saj, ka kërkuar që t’ia japë 70,000 euro para të gatshme, se përndryshe do ia dërgojë fotot intime familjarëve të saj.
Ndërsa, i dyshuari tjetër, vëllai i viktimës, në shenjë reagimi dyshohet se ka shkuar në shtëpinë e të dyshuarit dhe e ka kanosur me vrasje.
Lidhur me rastin është informuar prokurori, ndërsa njësitet policore janë duke hetuar rastin.