Lipjan, gjendet një person i vdekur
21.10.2019 - 23:02
Policia e Kosovës ka gjetur sonte rreth orës 21:30 një trup të pajetë.
Trupi i pajetë është gjetur në fshatin Gadime e Ulët të Lipjanit.
Lajmin për KALLXO.com e konfirmoi zëdhënësja e Policisë për rajonin e Prishtinës, Florie Ahmeti.
Zëdhënësja tha se trupi është gjetur në një gropë te gurthyesi i vjetër.
“Ekipet e nevojshme policore janë në vendngjarje”, tha zëdhënësja e Policisë.
Bazuar në të dhënat fillestare dyshohet se bëhet fjalë për personin e raportuar të zhdukur më 14 tetor.
“Kanë qenë informacionet e qytetarëve ato që kanë ndihmuar Policinë të gjejnë vendndodhjen e personit”, tha zëdhënësja e Policisë.