Ilustrim
Lëshonin dokumente të falsifikuara të testit COVID-19, arrestohen dy të dyshuar
28.1.2021 - 10:33
Policia në rajonin e Pejës ka njoftuar se ka arrestuar një burrë dhe një grua nën dyshimet se kanë falsifikuar dokumente.
Sipas policisë, arrestimi i të dyshuarve është bërë dje rreth orës 12:55.
Në bazë të njoftimit, dyshohet se të arrestuar kanë furnizuar qytetarët me dokumente të testit anti COVID-19.
Njësitet relevante policore në vendin e ngjarjes kanë konfiskuar tre telefona mobil, dhe dy shtëpiza kompjuteri.
Në konsultim me prokurorin e shtetit, të dyshuarit janë dërguar në mbajtje për 48 orë.