Lëndohet rëndë në vendin e punës, arrestohet pronari i kompanisë në Fushë Kosovë

Në fshatin Bresje të Fushë Kosovës, një punëtor është lënduar rëndë në vendin e tij të punës.

Më pas, viktima ka kërkuar ndihmë mjekësore.

Ai është dërguar në Qendrën Klinike Universitare të Kosovës dhe sipas mjekut, gjendja e tij shëndetësore është e rëndë.

Policia ka arrestuar pronarin dhe mbikëqyrësin e firmës ku ka punuar viktima.

Me vendim të prokurorit, të dyshuarit janë dërguar në mbajtje.

Ngjarja ka ndodhur dje në orët e pasdites.