Lëndohet një motoçiklist si pasojë e aksidentit me një automjet në Janjevë
14.9.2024 - 20:48
Një aksident trafiku në mes një automjeti dhe një motoçiklete ka ndodhur në fshatin Janjevë, më 14.09.2024.
Këtë e ka konfirmuar për KALLXO.com, zëdhënësja e Policisë së Kosovës, Flora Ahmeti.
Sipas Ahmetit, aksidenti mes automjetit dhe motoçikletës ka ndodhur rreth orës 17:00. Si pasojë e aksidentit, Ahmeti ka njoftuar për gjendjen shëndetësore të drejtuesit të motoçikletës.
“Si pasojë e aksidentit është lënduar një person (motoçiklisti). Personi i lënduar është dërguar për tretman mjekësor, rasti po hetohet nga njësiti i trafikut” – ka thënë Ahmeti, më 14.09.2024.
