Lëndohen dy punëtorë në një fabrikë në Podujevë

Dy punëtorë kanë pësuar lëndime në një fabrikë në Podujevë.

Këtë e ka konfirmuar për KALLXO.com, zëdhënësi i policisë në rajonin e Prishtinës, Bajram Krasniqi.

“Policia sot rreth orës 09:45 ka pranuar informacion se dy punëtorë janë lënduar në vendin e tyre të punës në Podujevë. Të lënduarit fillimisht janë dërguar në Qendrën e Mjekësisë Familjare në Podujeve, e më pas janë tranferuar në QKUK’, ka thënë Kransiqi për KALLXO.com.

Ai tutje ka bërë të ditur se policia dhe Inspektorati i Punës kanë dalë në vendin e ngjarjes dhe po merren me rastin.