LDK në Gjilan pretendon se ka ndodhur një skandal me ndarjen e bursave për studentët
Lidhja Demokratike e Kosovës, dega në Gjilan po pretendon se ka ndodhur një skandal nga niveli komunal në procesin e ndarjes së bursave për studentët e këtij qytetit.
Përmes një komunikate për media, LDK e Gjilanit thotë janë ngatërruar dosjet e studentëve që kanë aplikuar për bursa, që ndahen nga komuna e Gjilanit.
Fajtor për këtë, LDK e bënë kryetarin e komunës, Alban Hysenin.
Sipas partisë opozitare të Gjilanit, në zyrën e Komisionit të Bursave, kryetari Alban Hyseni ka mbajtur një mbledhje, ku sipas tyre dosjet e studentëve, së bashku me laptopin janë punës janë në një pjesë tjetër.
E sipas tyre, ngatërresa e dosjeve e ka rikthyer procesin në pikën fillestare.
“Anëtarët e LDK-së në Komisionin e Bursave, Gentrit Murseli dhe Aferdita Balaj, po kërkojnë që në një procesverbal të veçantë të shënohet e gjithë ngjarja dhe të merret përgjegjësia për çkado që mund të ketë ndodhur”, thuhet në komunikatën e LDK-së.
LDK në Gjilan ka akuzuar për paaftësi edhe ata që po drejtojnë Drejtorinë për Kulturë, Rini dhe Sport në këtë komunë.
“LDK konsideron të paaftë këtë Drejtori, e cila nuk arrin për 5 muaj ta mbyll një thirrje publike, e për 7 muaj ta sjell një raport financiar, të kerkuar qysh në seancën e parë të Kuvendit Komunal. Kërkojmë edhe sot publikisht, ashtu siç kemi kerkuar që nga fillimi, të sjellet i detajuar financiarisht raporti i Flakes së Janarit”, ka thënë Gresa Avdiu, këshilltare komunale e LDK-së.
