LDK bën homazhe të shtatorja e Ibrahim Rugovës
Të prirë nga Kryetarja e Kuvendit, Vjosa Osmani, disa ministra dhe anëtarë të tjerë të LDK-së kanë bërë homazhe para shtatores së ish- Presidentit Ibrahim Rugova.
Zyrtarët e LDK-së shkuan te kjo shtatore pak minuta pasi përfunduar ceremoninë e ngritjes së flamurit për nder të 12 vjetorit të Pavarësisë së Kosovës.
Këtij delegacioni nuk iu bashkua edhe Kryeministri Albin Kurti edhe pse ishin bashkë në ceremoninë paraprake.
Flamuri i Kosovës është ngritur sot në mënyrë ceremoniale në prani të Kryeministrit Albin Kurti dhe Kryetarës së Kuvendit të Kosovës.
Dy liderët në mungesë të Presidentit Hashim Thaçi kanë nisur aktivitetin e parë për shënimin e 12 vjetorit të Pavarësisë së Kosovës.
Në ceremoni ishin të pranishëm edhe disa nga ministrat e qeverisë Kurti.
Më poshtë gjeni fotografitë nga homazhet te shtatorja e Ibrahim Rugovës.
