Lajmi i rremë për recetën për shërimin e COVID-19 në shtëpi
Një recetë për shërimin e COVID-19 në kushte shtëpie është duke qarkullua në rrjete sociale.
Sipas profesionistëve shëndetësor, kjo recetë nuk është e vërtetë sepse ende nuk ka ndonjë protokoll të saktë rreth shërimit të COVID-19 në shtëpi.
Sipas Isme Humollit, zyrtare për emergjenca në Organizatën Botërore të Shëndetësisë qëndrimi në shtëpi i perosnave me simptoma të lehta dhe asimptomatik është i rekomandueshëm, por se nuk ka ende ndonjë terapi specifike për shërimin e viruseve apo COVID-19.
“Zyra e OBSh dhe e gjithë OBSh-ja rekomandon që pacientët që nuk kanë simptoma, nuk kanë komplike e janë me COVID-19 ose simptoma të COVID-19 më e mira është që të qëndrojnë në shtëpi. Ajo lista të cilën, jashtë betadinës, nuk janë barna të cilat e mjekojnë ose e shërojnë COVID-19, por është një lloj i dietës me pemë e perime me vitamina, të cilat e rritin sistemin imunitar. Po e ëprsëris edhe njëherë, nuk ka terapi specifike sa i përket virusëve, përfshirë këtu edhe COVID-19, andaj edhe përdorimi sa më i madh i pemëve dhe perimeve është i domosdoshëm. Rastet e lehta të COVID-19 dhe ata të cilët janë asimptomatik preferohet dhe është e rekomandueshme qëndrimi I tyre në shtëpi”, ka thënë Humolli për KALLXO.com.
Shërimin e COVID-19 në kushte shtëpie e ka mohuar edhe Drejtori i OBSH-së në Bullgari, Skender Syla ëprmes një publikimi në Facebook.
Syla ka thënë se qytetarët nuk duhet të binë pre e recetave të tilla dhe të bëjnë eksperimente me jetën e tyre, ndërsa duhet të kontaktojnë mjekun për cdo shqetësim shëndetësorë.
“Së fundmi po shpërndahet në rrjetet sociale me të madhe një recetë për trajtimin e personave të prekur nga COVID-19. Ju lutem mos bini viktimë e recetave të tilla. Për çdo shqetësim shëndetësor kontaktoni mjekun tuaj dhe mos bëni eksperimente me shëndetin tuaj dhe më të dashurëve tuaj”, ka shkruar ai.
Recentën e ka demantuar edhe Ministria e Shëndetësisë përmes një komunikate për media në të cilën apelohet te qytetarët që të mos bien pre e publikimebe të tilla, ndërsa të konsultohen me mjektë për secilin shqetësim.
“Jemi dëshmitarë që së fundi nëpër rrjetet sociale (jo vetën në nivel lokal) po shpërndahen me të madhe të ashtuquajtuara “receta” të ndryshme për trajtimin e personave të prekur nga COVID-19. Duke qenë që “recetat” e tilla provokojnë edhe reagime të ndryshme dhe ngjallin edhe shqetësime, ju lusim që të mos bini pre e publikimeve të tilla dhe për çfarë do shqetësimi lidhur me Covid-19 të kontaktoni mjekun tuaj më të afërt dhe të përcillni vetëm këshillat zyrtare, të cilat publikohen nga Ministria e Shëndetësisë, IKSHPK, profesionistët kompetentë shëndetësor dhe institucionet kredibile dhe të konfirmuara”, thuhet në reagimin e MSh.
E gjithë kjo recetë duket se është shpërndarë me të madhe në shtetet e tjera.
Ekipi i kontollimit të fakteve “Logical Indian Fact” po heton pretendimin se TATA Health ka nxjerrë një listë rekomandimesh për njerëzit që rezultojnë pozitiv për COVID-19.
Në një mesazh me email drejtuar The Logical Indian, Tata Health sqaroi se ky mesazh, i cili po përcillet përmes ËhatsApp është i rremë dhe nuk është ndarë ose krijuar nga organizata.
“Kjo mesazh i veçantë në lidhje me pajisjet mjekësore anti-COVID për të cilin ju referoheni është false dhe nuk është ndarë ose krijuar nga Tata Health. Sidoqoftë, lidhja në mesazh është e saktë dhe çon në një shërbim të ofruar nga ne”, ka shkruar Zëdhënësi për Tata Health .
Mesazhi vjen me një listë të gjërave që duhet të jenë pjesë e një pajisje mjekësore COVID dhe duhet të jenë të disponueshme në çdo familje. Lista përfshin ilaçe të tilla si Paracetamol, ilaçe të vitaminës C dhe D3, komplekse B, kapsula avulli për avull, Betadine për gargarë të gojës, oximetër pulsi për matjen e niveleve të oksigjenit, dhe cilindra oksigjeni së bashku me aplikacionin e qeverisë Aarogya Setu.
Mesazhi i shpërndarë ka ndarë COVID-19 në tri lloje infeksionin: Ne fyt, në hundë dhe në gojë.
Mesazhe të ngjashme po shpërndahen në Twitter, Instagram dhe Facebook.
Pikëpamjet e shprehura në këtë publikim janë të Internews Kosova dhe në asnjë mënyrë nuk mund të konsiderohen si qëndrim i Fondacionit të Kosovës për Shoqëri të Hapur.