Lajçak nis ditën e dytë në Kosovë me takim me drejtues të misioneve ndërkombëtare
14.10.2020 - 11:43
Përfaqësuesi i Posaçëm i Bashkimit Evropian për Dialogun Kosovë – Serbi, Miroslav Lajçak, gjatë ditës së dytë të vizitës së tij në Kosovë, është takuar me organizatat ndërkombëtare në Kosovë.
Përmes në shkrimi në ‘Twitter’ Lajçak ka thënë se i ka informuar këto organizata për Dialogun.
“Filloj dita e dytë me një mëngjes me organizatat ndërkombëtare në Kosovë. Unë i informova ata se ku qendrojmë me Dialogun si dhe dëgjova pikëpamjet dhe vlerësimet e tyre”, ka shkruar Lajçak.
Ai gjatë vizitës tre ditore të tij, do të takohet me gjithë liderët e partive politike, komunitetin ndërkombëtar dhe përfaqësuesit e shoqërisë civile.