Kurti dhe Lajçak
Lajçak në Kosovë, pritet takimi me Kurtin
15.9.2021 - 16:48
Emisari i Bashkimit Evropian për dialogun Kosovë-Serbi, Miroslav Lajçak, nga sot nis një vizitë zyrtare në Kosovë.
Sot, rreth orës 17:00, siç merr vesh KALLXO.com, pritet të takohet me kryeministrin e Kosovës, Albin Kurti.
Sipas një njoftimi të zyrës së BE-së në Kosovë, Lajçak gjatë vizitës dyditore pritet të takohet me përfaqësues politikë në vend, përfaqësuesve ndërkombëtarë, të biznesit e mediave.
Qëllimi i kësaj vizite, siç është thënë, është diskutimi i zbatimit të marrëveshjes së dialogut dhe rrugën përpara në negociatat për marrëveshje gjithëpërfshirëse të normalizimit.
Sipas informacioneve që ka KALLXO.com, pas takimit nuk është paraparë deklarim për media.
www.kallxo.com